धादिङ । बागमती प्रदेश स्तरीय राष्ट्रपति रनिङ शिल्ड प्रतियोगिता २०७९ चैत्र २४ गते बाट हुने भनिए पनि प्रदेश खेलकुद विकास परिषदले २०८० बैशाख १ गते देखि ३ गते सम्म प्रदेश भित्रका सबै जिल्ला खेलकुद विकास समितिहरुलाई सकुलर जारी गर्दै तयारीमा रहन आग्रह गरेको छ ।
परिषदले पत्रचार गर्दै उक्त मितिमा सहभागिता जनाउन चैत्र २० गते सम्म जिल्ला छनोट भएका खेलाडीको नाम दर्ता गराउन र खेलाडीको सफ्ट कपी डकुमेन्ट खेल हुने एक दिन अगाडी बुझाउन जिल्ला खेलकुद विकास समितिहरुलाई आग्रह गरेको छ ।
परिषदले सम्भव भए सम्म प्रदेशका लागि जिल्लाबाट छनोट भएका खेलाडीहरुलाई बन्द प्रशिक्षणमा राख्न समेत भनेको छ । एकै ठाउँमा बन्द प्रशिक्षणमा राख्न नसकिए सम्बन्धित पालिका वा विद्यालयलाई नियमित प्रशिक्षणको लागि आग्रह गर्न समेत प्रदेश परिषदले भनेको छ ।
