धादिङ माघ २८ । नेपाल कम्युनिष्ट पार्टी (नेकपा) का अध्यक्ष एवम् पूर्व प्रधानमन्त्री पुष्पकमल दाहाल (प्रचण्ड) आगामी फागुन ४ गते सल्यानकोट आउने भएका छन् ।
धादिङको त्रिपुरासुन्दरी गाउँपालिका वडा नं. ४ सल्यानकोटमा रहेको कार्की गाउँ माध्यामिक विद्यालयको नयाँ निर्मित भवन उद्घाटन तथा विद्यालयको ५९ वार्षिक उत्सव उद्घाटन गर्न नेकपा अध्यक्ष प्रचण्ड धादिङ सल्यानकोट आउने भएका हुन् ।
विद्यालयका प्रधानाध्यापक अर्जुन नगरकोटीका अनुसार विद्यालयको नयाँ निर्मित आठ कोठे भवन उक्त दिन प्रचण्डले उद्घाटन गर्ने छन् भने ५९ वार्षिक उत्सव एवम् अभिभावक दिवस समेत उद्घाटन गर्ने छन् ।
