कृष्ण रानामगर
धादिङ माघ २२ । धादिङको गंगाजमुना गाउँपालिकामा भएको प्रथम राष्ट्रपति रनिङ शिल्ड प्रतियोगिता सोमबार सम्पन्न भएको छ ।
गाउँपालिका स्तरिय उक्त प्रतियोगितामा मण्डली मा वि फूलखर्क प्रथम, तामाङखर्क मा वि गुम्दी द्धितीय र बद्रीविशाल मा वि बुढाथुम तृतिय भए ।
विभिन्न खेलहरु सहभागि गराईएको र उक्त खेलको अंक स्कोरको आधारमा प्रथम, द्धितीय, तृतीय छुट्याइएको थियो ।
माघ १९ गते देखि मण्डली माध्यमिक विद्यालय गंगाजमुना ५ फुलखर्कमा संचालन भएको उक्त प्रतियोगिताको समापन प्रतिनिधि सभा संसाद खेमप्रसाद लोहनी गरेका थिए ।
गंगाजमुना गाउँपालिका भित्रका ७ वटै वडाका माध्यमिक तहका ८ वटा विद्यालयका खेलाडीहरु सहभागी भएका थिए । साविकका गाविसहरु बसेरी बुढाथुम ,फूलखर्क गुम्दी र री बाट प्रतियोगितामा भाग लिएका थिए ।
प्रतियोगितामा खेलाईएको खेलहरु
१०० मिटर दौड, सटपुट(छेलो), लङजम्प, ज्यावलिङथ्रो(भाला), हाइजम्प, २०० मिटर दौड, भलिबल, ४०० मिटर दौड, १५०० मिटर दौड, ८०० मिटर दौड, ट्रिपल जम्प, १००×४ रिले दौड, २००×४ रिले दौड, ४००×४ रिले दौड
