धादिङ साउन १४
प्रधानमन्त्री ओलीका कतिपय महत्वकांक्षी योजनाहरुले देश विदेशबाट प्रशस्तै प्रसंशा पायो ।केपी शर्मा ओली नेतृत्वको नौं महिने सरकारले ताली र गाली उत्तिनै पाइरहेको छ । तलब बढ्दा अवकाश प्राप्त कर्मचारीको पेन्सन पनि बढ्ने भएकाले तलब वृद्धिको यो निर्णयले सरकारलाई ठूलो आर्थिक भार पर्ने निश्चित हुँदाहुँदै यही साउनदेखि नयाँ तलब लागु हुँदैछ ।
प्रतिपक्षमा रहेको प्रमुख दल नेपाली कांग्रेसले ‘देशलाई ऋणभार थप्ने काम’ गरेको भन्दै चर्को विरोध हुँदाहुँदै सरकारले कर्मचारीको तलबमा २५ प्रतिशतले बृद्धी गर्यो । मनोबल उच्च बनाउन भन्दै सरकारले तलब बृद्धि गरेर करिब पाँचलाख कर्मचारीबाट ताली पायो ।
सरकारले आ.व. ०७३/०७४ को वजेटमार्फत कर्मचारीको तलवमान औसत २५ प्रतिशत बढाएको हो ।
गत शुक्रबारको मन्त्रिपरिषद् बैठकले साउन १ गतेदेखि लागू हुने गरी नयाँ तलवमान तथा सुविधालाई स्वीकृत गरेपछि अर्थ मन्त्रालयले मंगलबार सूची सार्वजनिक नै गरिसकेको छ । अर्थमन्त्रालयले सार्वजनिक गरेको राष्ट्रपति देखि पियनसम्मको तलबको विवरण यहाँ हेर्न सकिन्छ ।
