धादिङ । नेकपा (एमाले) ले आगामी फागुन २१ गते हुने निर्वाचनका लागि धादिङ प्रतिनिधिसभा निर्वाचन क्षेत्र नम्बर २ बाट आठ जना आकांक्षी उम्मेदवारको नाम सिफारिस गरेको छ ।
एमाले क्षेत्रीय समन्वय कमिटीको बैठकले पार्टीका केन्द्रीय सदस्य खेमप्रसाद लोहनी, धनबहादुर घले, डा. रामकुमार अधिकारी, शम्भुकुमार थापा, उमेशकुमार थापा, अर्जुनकुमार श्रेष्ठ ‘गोर्खाली’, कृष्णकुमारी थापा श्रेष्ठ र चन्द्र रिजालको नाम उम्मेदवारका रूपमा सिफारिस गरेको हो ।
पार्टीले केन्द्रबाट उम्मेदवार चयन गर्ने प्रक्रिया अघि बढाइरहेका बेला धादिङ क्षेत्र नम्बर २ बाट आठ जनाको नाम सिफारिस गरिएको एमालेले जनाएको छ ।
यसअघि शुक्रबार धादिङ प्रतिनिधिसभा क्षेत्र नम्बर १ बाट सात जना आकांक्षी उम्मेदवारको नाम सिफारिस भइसकेको छ ।
