धादिङ । नीलकण्ठ नगरपालिकाले आ.व. २०८२/०८३ अन्तर्गत दोस्रो मेयर फुटसल प्रतियोगिता, २०८२ आयोजना गर्दैछ। प्रतियोगिता फागुन ६, ७, ८ र ९ गते धादिङवेशीमा हुने छ।
प्रतियोगितामा हामीले ७५३ वटै स्थानीय तहलाई निमन्त्रण गरेका छौं तर पहिला दर्ता गर्ने ३२ टिमले मात्रै भाग लिन पाउँने वडा अध्यक्ष सरोज पाण्डेले बताए । प्रतियोगितामा जन प्रतिनीधि र कर्मचारी मात्रै सहभागी गराउन पाईने जनाईएको छ ।
तोकिएको सर्त अनुसार टिम निर्माण गरी नियमावली अनुसार टिम दर्ता निःशुल्क गर्न सकिने जनाएको छ ।
पुरस्कारको व्यवस्था:
- प्रथम: रु. १,११,१११
- द्वितीय: रु. ५५,५५५
- तृतीय: रु. २२,२२२
- चतुर्थ: रु. ११,१११
- उत्कृष्ट खेलाडी, गोलरक्षक, डिफेन्डर र उच्च गोलकर्तालाई जनही रु. ६,६६६ 🎖️
नीलकण्ठ नगरपालिकाले यस प्रतियोगितालाई “समृद्ध नीलकण्ठ नगरको आधार: कृषि, पर्यटन, उद्यमशिलता सहितको पूर्वाधार” अन्तर्गत जनप्रतिनीधि र कर्मचारीलाई खेलकुदमा सक्रिय पार्ने अवसरका रुपमा हेरिरहेको छ।
