काठमाडौं । प्रत्येक वर्ष १७ नोभेम्बर अन्तर्राष्ट्रिय विद्यार्थी दिवसका रूपमा मनाइन्छ। विश्वभरका विश्वविद्यालय र कलेजहरूले यस दिनलाई विद्यार्थीहरूको योगदान, बलिदान र बहुसाँस्कृतिक शिक्षाको सम्मानको रूपमा मनाउँछन्।
सन् १९३९ मा नाजी सरकारले चेक रिपब्लिकका विश्वविद्यालयमा आक्रमण गर्दा प्राग विश्वविद्यालयका नौ जना विद्यार्थीको हत्या र १२ सयभन्दा बढी विद्यार्थीलाई कन्सन्ट्रेसन क्याम्पमा पठाइएको इतिहासले यस दिवसको सुरुवातको आधार दिएको हो।
नेपालमा पनि विद्यार्थीहरूले राजनीतिक परिवर्तनमा महत्वपूर्ण भूमिका खेलेका छन्। २००७, ०४६ र ०६२–६३ सालका आन्दोलनहरूमा उनीहरूको योगदानलाई कसैले नकार्न सक्दैन। आज पनि विद्यार्थीहरूलाई भोलिको नेतृत्वकर्ताको रूपमा हेरिन्छ।
अन्तर्राष्ट्रिय विद्यार्थी दिवस केवल सम्झनाको दिन मात्र होइन, भविष्य निर्माण गर्ने विद्यार्थीहरूको साहस, योगदान र विचारलाई सम्मान गर्ने अवसर पनि हो।
