भ्रष्टाचारको जब यहाँ, फाइल खुल्यो बेसरी
चोरको खुट्टा काट् भन्दा, खुट्टा बाहिर झिके सरी
नेपाली नटवरलाल हेर, हदैसम्म डरायो
रातारात सहमती, बिचबाटोमै हरायो !
महाराजले महासेठलाई, काखी च्याप्नु भएछ
‘बिजुलीको लाइन नकाट्’ हुकुम पनि बक्सेछ
आफ्नो मान्छे मात्र प्यारो, यस्तो गर्न पाइँदैन
गाउँ अझै अन्धकार छ, त्यता बत्ती चाहिँदैन?
अपराधीकै चर्चा चल्छ, इमान्दारलाई गार्हो छ
प्रदुषण र दुर्घटनाले, बाँच्न झनै सार्हो छ
ठिकै छ त जे भएनी, एक नम्बरमा पर्या छम्
बेइमानीको बीउ हामीले, संसारभर छर्या छम्
यूवा जति देश बाहिर, देशै खोक्रो भइसक्यो
उन्नती र प्रगतीको, शुभसाइत गइसक्यो
यस्तै क्रम चलिरहे, गाउँ शून्य हुने भो !
मान्छे मरे घाट सम्म, लाने अनि जाने को ?
-મહાન ત્યાગી
