धादिङ मंसिर ८ । धादिङको गजुरी गाउँपालिका वडा नं. १ स्थित गजुरीबजारबाट प्रहरीले सोमबार दिउँसो ६ केजी चरेश बरामद गरेको छ ।
गल्छीबाट मुग्लिङ तर्फ जाँदै गरेको ग १५ प ३३५० नम्बरको स्कुटीलाई सोमबार दिउँसो १ बजे चेक जाँच गर्ने क्रममा स्कुटीमा लुकाई राखेको अवस्थामा ६ केजी चरेश बरामद गरिएको प्रहरीले जनाएको हो ।
स्कुटी चालक नीलकन्ठ नगरपालिका ६ सुनौला बजारका २२ वर्षिय दिलिप दाहाल र पछाडि सवार सोही ठाउँ बस्ने २० वर्षिय राजन परियारलाई पक्राउ गरेको छ ।
