धादिङका स्थानीय तहको अनुमानित बजेट यस्तो आयो

धादिङ असार ११ । धादिङमा २ नगरपालिका र ११ वटा गाउँपालिका छन् । यी मध्य २ नगरपालिका र ५ वटा गाउँपालिकाले बुधबार नीति तथा कार्यक्रम सँगै अनुमानित बजेट सार्वजनिक गरे भने, आगामी वर्षको नीति तथा कार्यक्रम मात्र सार्वजनिक गरे ।

नीति तथा कार्यक्रम सँगै अनुमानित बजेट पेस गर्नेमा नीलकण्ठ नगरपालिका, धुनीबेसी नगरपालिका, थाक्रे गाउँपालिका, बेनीघाट रोराङ गाउँपालिका, गंगाजमुना गाउँपालिका, नेत्रावती डब्जोङ गाउँपालिका र रुबीभ्याली गाउँपालिका रहेका छन् ।

धादिङको स्थानीय तह मध्य नीलकण्ठ नगरपालिकाले सबै भन्दा धेरै अनुमानित बजेट पेस गरेको छ, भने कममा रुबीभ्याली गाउँपालिका छ ।

धादिङका १३ वटै स्थानीय तहका नीति तथा कार्यक्रम भने मिल्दाजुल्दा देखिएका छन् । कृषकका लागि कृषि उत्पादन तथा पशुपालनमा प्रोत्साहन गरिने, आधुनिक कृषि औजार तथा उपकरण वितरण गरिने, मल तथा विउ, विजन उपलब्ध गराइने, कृषि अनुदान वितरण गरिने र उत्पादित कृषि उपजका लागि बजार व्यवस्थापन गरिने लगायतका योजना मिल्दाजुल्दा छन् ।

भौतिक पूर्वाधार विकासको कार्यक्रमलाई स्थानीय तहले प्राथमिकता दिएका छन् । सडक सञ्जालको विस्तार, पर्यटन प्रवद्र्धनका कार्यक्रम, घरघरमा खानेपानी धारा जडान गरिने, ग्रामिण विद्युतिकरण जस्ता कार्यक्रमलाई प्राथमिकता दिएका छन् ।