काठमाडौं जेष्ठ २९ । सरकारले ८० दिन लामो लकडाउनपछि लकडाउन खुकुलो पार्ने २१ दिने योजना योजना ल्याएको छ ।
बिहीबारको मन्त्रिपरिषद् बैठकले लकडाउन केही खुकुलो पार्ने मोडालिटी सार्वजनिक गरेको हो ।
सरकारको मोडालिटी अन्तरगत अब सबै सरकारी, निजी र वित्तीय संस्थाका कार्यालय खुल्नेछन् । तर बिहान ८ देखि दिउँसो १ र दिउँसो १ देखि साँझ ६ बजेसम्म दुई सिफ्टमा चलाउनुपर्नेछ ।
यस्तै विद्यालय तथा शैक्षिक संस्थाहरू भने बन्द रहनेछन् । सभा समारोह, प्रदर्शन गर्न पाइने छैन भने सिनेमा हल, डान्सबार, पुस्तकालय, संग्रहालय, समूहमा खेलिने खेल, स्वीमिङ पुलहरू पनि खुला हुने छैनन् । सरकारले तोकेका २० बाहेक अरू अन्तर्राष्ट्रिय सीमा नाका पनि बन्द नै रहनेछ ।
अझै नखुल्ने यी क्षेत्र
१. शैक्षिक संस्थाहरु (यसभित्र विद्यालय, कलेज, ट्युसन सेन्टर र तालिम केन्द्रहरू)
२. अनुमतिप्राप्त बाहेकका अन्तर्राष्ट्रिय र आन्तरिक उडानहरू ।
३. तोकिएको बाहेक अन्तर्राष्ट्रिय सीमा नाकाबाट हुने आवत-जावत
४. सबै प्रकारका सभा, गोष्ठी, तालिम र सेमिनार ।
५. सबै प्रकारका प्रदर्शन, भेला तथा सम्मेलन ।
६. सिनेमा हल, पार्टी प्यालेस, डान्सबारलगायतका मनोरञ्जनस्थल
७. सार्वजनिक पुस्तकालय, संग्रहालय, चिडियाखाना ।
८. स्पा, सैलुन र ब्युटीपार्लर
१०. स्विमिङ पुल, जिमखानालगायतका हेल्थ क्लबहरू
११. सपिङ मलहरू
१२. समूहमा खेलिने खेलकुद र खेल मैदानमा हुने प्रस्तुतिहरू
१३. सबै प्रकारका धार्मिक तथा सामाजिक स्थलहरू
१४. यात्रुवाहक सार्वजनिक सवारी साधन । पर्यटक सवारी साधनसमेत ।
