जिल्ला खेलकुद विकास समिति धादिङद्वारा सेनिटाईजर र मास्क वितरण

धादिङ बैशाख १२ । जिल्ला खेलकुद विकास समिति धादिङले कोरोना भाइरस (कोभिड–१९) रोकथाम तथा नियन्त्रणको लागि सेनिटाईजर र मास्क वितरण गरेको छ ।

जिल्ला खेलकुद विकास समिति धादिङका अध्यक्ष प्रतापसिंह तामाङले आवश्यकता हेरि जिल्लाका विभिन्न ठाउँहरुमा सेनिटाइजर र मास्क वितरण गरिएको बताए ।

कोरोना भाईरसको संक्रमणबाट बच्ने पहिलो उपाय सामाजिक कायम गर्ने हो, त्यसपछि सेनिटाईजर र मास्क, अत्यवश्यक सुरक्षा सामाग्री भएकोले वितरण गरिएको अध्यक्ष तामाङ धादिङपोष्टलाई बताए ।

बजारमा हुने र सक्नेहरुले मेडिकल मास्क नै लगाएर हिडेको देखिन्छ भने, असाह्य गरिव र विपन्नहरुले सामान्य मास्क समेत पाउन नसकेकोले जिल्ला खेलकुद विकास समितिले सक्रियाता देखाएको समेत उनी बताउँछन् ।

नेपालमा कोरोना भाइरस सङ्क्रमण पुष्टि भएकाको संख्या ४८ पुगि सकेको छ । लकडाउनले दोस्रो महिनाको यात्रा सुरुगरि सकेको छ भने राजधानीमा लगायतका शहरहरुमा रोकिएका र विदेशबाट समेत मानिसहरु घर फर्कने क्रम जारी छ । यस्तो अवस्थामा अनै सुरक्षाको चुनौतिलाई ख्याल गर्नु पर्ने देखिन्छ ।

कोरोनाबाट कसरी बच्ने