धादिङ चैत्र १७ । धादिङको नेत्रावती डब्जोङ गाउँपालिकाले चैत्र महिनामा विभिन्न मुलुकबाट घर फर्किएकाहरुको नामावली सार्वजनिक गरेको छ ।
गाउँपालिकाले सार्वजनिक गरेको विवरण अनुसार चैत्र महिनामा नेत्रावती डब्जोङ आउनेमा सबै भन्दा धेरै भारतबाट ६५ जना, मलेशियाबाट २ जना, संयुक्त अरब इमिरेट्सबाट ५ जना, कुबेतबाट १ जना र अन्य मुलुकबाट १ गरी ७४ जना रहेका छन् ।
यस मध्य नेत्रावती डब्जोङ गाउँपालिका ४ मा मात्र भारतबाट ५६ जना व्यक्तिहरु घर फर्केका थिए भने वडा नं. ३ मा ५ जना संयुक्त अरब इमिरेट्सबाट आएका थिए ।
- नेत्रावती डब्जोङ गाउँपालिकामा विदेशबाट आउने ७४ जना
- गंगाजमुना गाउँपालिकामा विदेशबाट आउने २८ जना
- त्रिपुरासुन्दरीमा विदेशबाट आउनेको संख्या ४८ जना
- बेनिघाट रोराङमा विदेशबाट आउनेको संख्या ३२ जना
- धुनिबेसी नगरपालिकामा विदेशबाट आउनेको संख्या १८ जना
नेत्रावती डब्जोङ गाउँपालिकाले विदेशबाट आएका सबैजनालाई कोरोना भाईरसको संक्रमण रोकथाम तथा उपचारका लागि सरकारले तयार गरेको क्वारेन्टाइनमा बसिदिन सूचित गराएको छ ।
