धादिङ फागुन २३। धादिङबेसी पुछारबजारमा रहेकाे एड्भान्स एकेडेमीले आयाेजना गरेकाे ५५ औं राष्ट्रिय जुनियर युवा दिवसको अवसरमा ७२ जनाले रक्तदान गरेका छन् ।
विगत ३ वर्ष देखि जुनियर युवा दिवसका दिन रक्तदान कार्यक्रम गर्दै आएकाे एड्भान्स एकेडेमीको यस वर्ष बिहिबार सम्पन्न गरेकाे कार्यक्रममा ७२ जनाले रक्तदान गरेका हुन् ।
रक्तदान गर्ने ३१ जना महिला र ४१ जना पुरुष गरी कुल ७२ जनामा अधिकाँश कक्षा ११ र १२ का विद्यार्थी रहेका थिए ।
नेपाल रेडक्रस सोसाइटी रक्त सञ्चार सेवा केन्द्र धादिङको प्राविधिक सहयोग तथा जुनियर युवा रेडक्रस सर्कल एड्भान्सको सह–आयोजना र धादिङ सोसियल भोलेन्टियरको सहयोगमा रक्तदान कार्यक्रम सम्पन्न भएको एड्भान्स एकेडेमीका एशोसिएट प्रिन्सिपल भिमबहादुर श्रेष्ठले धादिङपोष्टलाई बताए ।
