काठमाण्डौ असाेज २९ । काठमाण्डौमा जारी गैर आवासीय नेपाली संघ (एनआरएनए) को निवार्चन भाेली असाेज ३० गते बिहान १० बजे सम्मकाे लागि स्थगित भएकाे छ ।
आज साँझ ५ बजे हुने भनिएको निर्वाचन विधान संशोधनकाे विषयमा सहमति नजुट्दा ३० गते बिहान १० बजे सम्मकाे लागि स्थगित भएकाे हाे ।
गैरआबासीय नेपाली संघको (एनआरएनए) को नवौं अन्तराष्ट्रिय महाधिवेशनमा कुल १२ पदमा ४२ जनाको निर्वाचन हुने छ ।
एनआरएनएको अध्यक्षका लागि कुमार पन्त र कुल आचार्य चुनावी मैदानमा छन । पन्त र आचार्यले दुई छुट्टा छुट्टै टिम बनाएर चुनाबी मैदानमा होमिएका हुन् ।
संघको अध्यक्षमा एकजना, उपाध्यक्षमा ५ जना (एक महिला सहित), महासचिवमा १ जना, सचिवमा २ जना, कोषाध्यक्ष, सहकोषाध्यक्ष, महिला संयोजक र युवा संयोजकमा १/१ जना निर्वाचित हुने छन् ।
